* திருவள்ளுவர் திருநாளையொட்டி தமிழ் அறிஞர்கள் 9 பேருக்குத் தமிழக அரசின் சிறப்பு விருதுகளை அமைச்சர் ஓ. பன்னீர்செல்வம் வழங்கினார். (ஜனவரி 16)
* பிறந்த தேதி பிரச்சினையில், ராணுவ தலைமைத் தளபதி வி.கே. சிங், மத்திய அரசுக்கு எதிராக சுப்ரீம் கோர்ட்டில் வழக்குத் தொடர்ந்தார். (ஜனவரி 16)
* இத்தாலி அருகே கடலில் மூழ்கிய சொகுசுக் கப்பலில் இருந்து 202 இந்தியர்கள் மீட்கப்பட்டனர். (ஜனவரி 16)
* வயது பிரச்சினையில் ராணுவத் தளபதி வழக்குத் தொடர்ந்தது குறித்து பிரதமர் மன்மோகன்சிங்கும், ராணுவ மந்திரி ஏ.கே. அந்தோணியும் ஆலோசனை நடத்தினார்கள். சுப்ரீம் கோர்ட்டில் மத்திய அரசு சார்பில் `கேவியட்' மனுவும் தாக்கல் செய்யப்பட்டது. (ஜனவரி 17)
* தமிழகத்தின் முதல் பெண் நாதசுவரக் கலைஞர் எம்.எஸ். பொன்னுத்தாய் (85) மரணம் அடைந்தார். (ஜனவரி 17)
* குளத்தில் மூழ்கித் தத்தளித்த 3 சிறுமிகளை உயிருடன் மீட்ட தர்ம புரி மாவட்ட மாணவர் பரமேஸ்வரன் தேசிய வீரதீரச் செயல் விருதுக்குத் தேர்வு செய்யப்பட்டார். (ஜனவரி 19)
* ராஜஸ்தான் மாநிலம் ஜெய்ப்பூரில் நடைபெற்ற இலக்கியத் திருவிழாவுக்கு வருவதாக இருந்த எழுத்தாளர் சல்மான் ருஷ்டி, மும்பை தாதாக்களின் கொலை சதித் திட்டத்தின் எதிரொலியாகத் தனது வருகையை ரத்து செய்தார். (ஜனவரி 20) -->
* தமிழ்நாடு அரசுப் பணியாளர் தேர்வாணையத்தின் (டி.என்.பி.எஸ்.சி.) தலைவராக, ஓய்வுபெற்ற போலீஸ் டி.ஜி.பி. ஆர். நட்ராஜ் நியமிக்கப்பட்டார். (ஜனவரி 20)
No comments :
Post a Comment